Степногорск қаласының Ардагерлер кеңесі Қазақстан Республикасы Конституциясының жобасымен танысып, мемлекеттілікті нығайтуға, қоғамдық келісім мен әлеуметтік әділеттілікті қамтамасыз етуге бағытталған ұсынылған өзгерістер мен толықтыруларды қолдайтынын білдіреді.

Ұсынылып отырған жоба азаматтардың құқықтары мен бостандықтарының басымдығын айқындайды, мемлекеттік институттардың халық алдындағы жауапкершілігін күшейтеді және ашық әрі әділ басқару қағидаттарын дамытуға ықпал етеді. Әсіресе әлеуметтік кепілдіктерді қорғауға, отбасы институтын қолдауға, тарихи және рухани құндылықтарды сақтауға бағытталған нормалардың енгізілуі аға буын үшін аса маңызды.

Ардагерлер қауымы әрдайым елдегі тұрақтылықты, бірлікті және даму бағытының сабақтастығын қолдайды. Ұсынылып отырған конституциялық ережелер құқықтық мемлекетті одан әрі нығайтып, азаматтардың басқару жүйесіне деген сенімін арттырады деп сенеміз.

Конституция жобасын кеңінен қоғамдық талқылауды жалғастырып, әртүрлі буын өкілдері мен қоғамдық ұйымдардың қатысуын қамтамасыз ету маңызды деп санаймыз.

Степногорск қаласының Ардагерлер кеңесі Конституция жобасын қабылдауды қолдайды және халық арасында түсіндіру-ақпараттық жұмыстарға қатысуға дайын екенін білдіреді.

Степногорск қаласы Ардагерлер кеңесінің төрағасы Ф. Есжанова