Қазақстан – көпұлтты мемлекет, мұнда ғасырлар бойы 130-дан астам этнос өкілдері бейбітшілік пен келісімде өмір сүріп келеді. Халықтар арасындағы келісім мен өзара құрмет – мемлекеттің тұрақтылығының, қоғамдық келісімнің және орнықты дамудың берік негізі.

Қазақстанның ішкі саясатының маңызды басымдығы – этносаралық келісімді нығайту, сенім, құрмет пен толеранттылық атмосферасын қалыптастыру болып табылады. Бұл үдерісте ерекше рөл Қазақстан халқы Ассамблеясына тиесілі, ол этностар арасындағы диалогты қамтамасыз етіп, мәдени алуандықты сақтауға және қоғамдағы үйлесімді қарым-қатынастарды дамытуға ықпал етеді.

Мемлекет барлық этностық топтардың тілдерін, дәстүрлері мен әдет-ғұрыптарын сақтауға бағытталған бағдарламалар мен бастамаларды жүйелі түрде жүзеге асырады. Елде мәдени фестивальдер, ғылыми конференциялар, ағартушылық жобалар өткізіліп, өзара түсіністік пен бірлікті нығайтуға жағдай жасалуда.

Этносаралық келісім – бұл тек мемлекеттің міндеті ғана емес, әрбір азаматтың жауапкершілігі. Ұлттық бірегейлікті құрметтеу, диалогқа дайын болу және өзара көмек көрсету – әр қазақстандық өзін қоғамның толыққанды әрі құрметті мүшесі ретінде сезінетін ортақ болашақтың берік іргетасын қалайды.

Степногорск қаласы Жастар ресурстық орталығының директоры

Р.Қ. Байдаулетова