Тәуелсіздік жылдары қалыптасқан Қазақстандағы этносаралық келісім жүйесі ішкі және сыртқы сын-қатерлерге жоғары тұрақтылықты көрсетеді. Дегенмен, соңғы жылдардағы талдау саяси және әлеуметтік-экономикалық күйзелістер осы саладағы тұрақтылыққа қауіп төндіруі мүмкін екенін көрсетеді. Экономикалық теңсіздік, өмір сүру деңгейіндегі аймақтық айырмашылықтар және медиа кеңістіктегі ақпараттық манипуляциялар халықтың жекелеген топтары арасындағы шиеленісті күшейте алады.

Мұндай тәуекелдерді азайту үшін мемлекет декларацияланатын теңдік қағидаттары мен олардың нақты практикалық іске асырылуы арасындағы тепе-теңдікті сақтауы қажет. Бұл алдын алу шараларын — жергілікті деңгейдегі жанжалды жағдайларды ерте анықтау мен реттеуді дамытуды, толеранттылық мәдениетін қалыптастыру бойынша білім беру бағдарламаларын кеңейтуді, сондай-ақ этносаясат мәселелерінде мемлекеттік органдар жұмысының ашықтығын арттыруды көздейді.

Әрбір қауымдастықтың өзіндік ерекшелігін жоғалтпай, жалпыұлттық бірлік идеясының айналасында барлық этностардың өкілдерін біріктіретін Бірыңғай құндылық бағдарларын қалыптастыруға ерекше назар аудару керек.

Б. Баязитов, жеке кәсіпкер