Қазақстан Республикасындағы этносаралық келісім мемлекеттің орнықтылығы мен қауіпсіздігінің негізгі факторларының бірі болып табылады. Тәуелсіздіктің алғашқы жылдарынан бастап Қазақстан этникалық, діни немесе тілдік қатыстылығына қарамастан, әрбір азаматтың құқықтары мен бостандықтарының теңдігі қағидаттарына негізделген қоғамдық келісімнің бірегей моделін қалыптастыруға бағыт алды. Қазақстан Республикасының Конституциясы елдің біртұтас және зайырлы мемлекет ретіндегі мәртебесін бекітеді, бұл баршаның заң алдындағы теңдігін қамтамасыз етеді.

Бұл модельде Қазақстан халқы Ассамблеясы-ҚР Президенті жанындағы консультативтік-кеңесші орган ерекше орын алады, оның қызметі этностар арасындағы диалогты дамытуға, мәдени әртүрлілікті сақтауға және этникалық негіздегі қақтығыстарды болдырмауға бағытталған. Елде тұратын барлық этникалық топтардың тілдері мен дәстүрлерін қолдауға бағытталған мемлекеттік бағдарламалар да маңызды элемент болып табылады.

Халықаралық ұйымдар қазақстандық тәжірибені тез өзгеріп жатқан әлем жағдайында көптеген этностардың үйлесімді өмір сүруінің табысты үлгісі ретінде бірнеше рет атап өтті. Сонымен қатар, қол жеткізілген нәтижелерді сақтау мемлекеттің азаматтық қоғам институттарымен, оның ішінде жастар және мәдени бірлестіктермен өзара іс-қимыл тетіктерін ұдайы жетілдіруді талап етеді.

Баязитова А. Х., Степногорск қаласының ішкі саясат бөлімінің сектор меңгерушісі