Қазақстан — бұл ғасырлар бойы 130-дан астам этнос өкілдері тату-тәтті, келісім мен бірлікте өмір сүріп келе жатқан көпұлтты ел. Халықтар арасындағы бейбіт қатар өмір сүру мен өзара құрмет тұрақтылықтың, қоғамдық келісімнің және мемлекеттің орнықты дамуының берік негізі болып табылады.

Қазақстанның ішкі саясатының маңызды басымдығы — этносаралық келісімді нығайту, сенім, құрмет және толеранттылық ахуалын қалыптастыру. Бұл үдерісте Қазақстан халқы Ассамблеесінің рөлі ерекше, ол этностар арасындағы диалогты қамтамасыз етіп, мәдени көптүрлілікті сақтауға және қоғамдағы үйлесімді қарым-қатынастарды қолдауға ықпал етеді.

Мемлекет барлық этностық топтардың тілдерін, дәстүрлерін және әдет-ғұрыптарын сақтау бағытында бағдарламалар мен бастамаларды дәйекті түрде іске асырады. Елде өзара түсіністік пен ынтымақты нығайтуға септігін тигізетін мәдени фестивальдер, ғылыми конференциялар, ағартушылық жобалар өткізіледі.

Этносаралық келісім — бұл тек мемлекеттік міндет қана емес, әрбір азаматтың жауапкершілігі. Ұлттық бірегейлікті құрметтеу, диалогқа және өзара көмекке дайын болу — әрбір қазақстандық өзін қоғамның толыққанды әрі құрметті мүшесі ретінде сезінетін ортақ болашақтың берік іргетасын қалайды.

У. Молдахметова, «Pespublica» партиясы» ҚБ мүшесі